«Узун пахта тозалаш» АЖ бош директори У.Ш.Омоновнинг "Наврўз умумхалқ байрами" муносабати билан табриги

Ҳурматли юртдошлар! Ватанимизда уйғониш, яшариш, янгиланиш айёми – Наврўзи олам нафаси уфуриб турибди. Халқимиз ушбу қутлуғ шодиёнани ҳар йили ўзгача шукуҳ ва кайфият билан қарши олади. Аллоҳга шукурки, она-юртимиз тинч, мамлакатимиз обод. Ана шундай озод юртнинг обод манзилларида эса сизу биз азалий айём – Наврўзи оламни зўр қувонч ва катта хурсандчиликлар ила қарши олмоқдамиз. Ушбу фурсатдан фойдаланиб Сизларни янгиланиш ва ёшариш байрами бўлмиш Наврўз айёми билан муборакбод этаман. Юртимиз равнақи ва халқимизнинг фаровонлиги йўлида амалга ошираётган эзгу ишларингизда омад ёр бўлсин! Жамиятимизнинг буюк келажаги йўлида олиб бораётган фидокорона меҳнатингиз самараси доимо унумли бўлишига тилакдошман.

Наврўз байрамингиз муборак бўлсин!

Ҳурмат билан “Узун пахта тозалаш” АЖ бош директори У.Омонов